波經
 



即場短訊


【東體爭議】艾美利竟然咁講:阿仙奴0軍費

【on.cc東網專訊】阿仙奴今季展開「後雲格時代」,領隊艾美利同買人團隊季前平價引入幾位新兵,暫時表現都算對辦,不過所有人都知阿仙奴仲有好多位置要執,好似翼鋒、兩閘、中堅、中場都需要買人,原本預料今個月會大展拳腳,不過艾美利就親口證實,阿仙奴1月份增兵軍費係「0」!艾美利喺對韋斯咸嘅賽前記招表示:「我哋冇錢簽入任何球員,我哋只可以借用球員,唯一簽人方法係借用。球會要遲啲(夏天)先可以再買人,我知道球會已經物色緊新球員嚟幫助我哋。」阿仙奴目標人物丹尼斯蘇亞雷斯,據報有機會以借用身份由巴塞隆拿加盟。「0」軍費消息傳出後震撼阿仙奴球迷,唔少人將矛頭直指上年底將阿仙奴「私有化」嘅美國富商高安基,呢位美國體壇大亨自從08年入股「兵工廠」後,至今從未向球會營運投資過1分1毫,係英超Big6入面唯一一支100%「自給自足」(賺幾多使幾多)嘅球隊。阿仙奴有個咁嘅老細,真係難為了艾美利。東網體育FB同你追實體壇每個精彩時刻!http://bit.ly/2ecTF2A 支持本地運動員,一齊去「睇體」!https://bit.ly/2DxX4XI 


 亞錦賽 師姐好嘢!李慧詩爆贏鍾天使奪金

 天助利物浦!湯馬士梅拿歐聯16強冇得玩!