波經
 



即場短訊


港超聯 富力R&F抖夠砌夢想FC

【on.cc東網專訊】【陳焌鏗廣州直擊】位於「中銀人壽香港超級聯賽」積分榜次席的富力R&F,周六(12日)下午2時30分在主場廣州燕子崗體育場擺擂台,迎來夢想FC的挑戰,雙方為打響2019年頭炮,定必出盡渾身解數,激戰可期!主場出擊的富力R&F,自上月底於菁英盃擊敗佳聯元朗後,有接近兩星期沒有比賽,主教練楊正光指出:「主力都隔咗一排冇比賽,幸好呢段時間可以畀我哋受傷嘅球員休息,基本上除咗羅拔圖,其他都可以候命。」港隊蟬聯省港盃其中兩位功臣中堅梁諾恆、前鋒袁振昇在兩回合均有上陣,「楊Sir」透露陣容會有所調整:「操練時大家都溝通過,休息對『細佬』(梁諾恆)嚟講會好啲,袁振昇就有機會先任後備。」客軍夢想FC同樣面對缺賽問題,主教練梁志榮表示不擔心球員狀態回落:「呢兩個禮拜我哋經常試陣,分隊賽強度都比訓練高,所以狀態都保持得到。休息可以舒緩球員疲態,希望新一年由頭嚟過,成績慢慢好番。」早前出戰省港盃的門將謝家榮、翼鋒林樂勤未有隨夢想FC北上,「梁Sir」坦言:「謝家榮踢省港盃傷咗,林樂勤之前後大腿有傷,成個12月都冇跟我哋練波,我唔想冒險,始終佢冇跟足,唔知我哋要做啲咩,所以今次冇帶佢上嚟。」


 港超聯 冠忠南區回歸主場撼傑志

 亞錦賽 師姐好嘢!李慧詩爆贏鍾天使奪金