波經
 



即場短訊


港超聯 冠忠南區回歸主場撼傑志

【on.cc東網專訊】毋需登入,立即睇直播:https://tv.on.cc/newslive/ 註冊成東網會員,有波睇又有「福利」:https://tv.on.cc/sportlive/ 「中銀人壽香港超級聯賽」周六(12日)下午爆發激戰,由冠忠南區重返闊別3個月的主場香港仔運動場迎戰傑志。南區主教練鄭兆聰表示,球隊在超過1個月的休戰期已做了最充足準備,期望下半季踢出好成績。至於傑志主教練朱志光則提醒球員,來到較狹窄的香港仔運動場,進攻要保持耐性,並重申球隊沒有犯錯的空間!(on.cc東網周六下午2時30分直播)文:何彥霆由於去年超強颱風「山竹」襲港,導致香港仔運動場看台損毀,冠忠南區需要轉往旺角大球場進行主場賽事。主場經過緊急維修後已重開,但入場球迷需要移步往位於原本主看台對面的東看台位置觀賞比賽。冠忠南區主教練鄭兆聰表示,雖然球隊距離上仗作客富力R&F已有超過1個月的時間,然而一眾球員已為今仗作了充足準備︰「球隊當然希望可以安排到每個星期都有比賽踢,但呢個唔係藉口,我哋經已做好準備。呢段時間友賽對過夢想FC同香港隊,我覺得球員狀態都唔錯。返到主場,我哋感覺舒服,亦都好期待呢場波。其實今季我哋有好多場波都打得好好,希望球隊可以帶住爭勝心態去到季尾。」傷兵方面,主力蘇沙有望傷愈復出,剛從家鄉接受復康治療後回港的高美斯亦已復操,只是仍需一些時間才可參與正式操練。傑志對上一場於去年年尾主場以5比0大炒夢想FC,該仗傷出的中村祐人未能趕及復出,至於上周加盟球隊的澳洲中堅馬特史密夫,由於泰超球季於去年10月完季,其比賽狀態仍有待提升,今場或先任後備。傑志主教練朱志光表示︰「傑志往往喺比賽打得密嘅時候,水準保持得穩定啲,但喺呢兩個禮拜,可以畀隊中傷兵恢復。呢個場比較狹窄,同平時踢嘅有分別,所以選人都會喺呢方面作出考慮。我哋喺進攻方面要有耐性,唔可以有差池。」【做善事睇靚相】‧冠忠南區及Olympus合作踏入第3個球季,新一年更攜手為慈善出力,推出《冠忠南區 x Olympus合作企劃相集》,為香港防癌會進行義賣籌款,整個計劃將會不計成本,將相集賣得的款項全數捐出。各位球迷只需付出$188,便可得到一本設計精美的球員相集兼做善事,冠忠南區今日會於香港仔運動場設攤位,接受善心球迷預訂。毋需登入,立即睇直播:https://tv.on.cc/newslive/ 註冊成東網會員,有波睇又有「福利」:https://tv.on.cc/sportlive/ 


 【體人體事】Big4解體 費達拿仲玩幾耐

 港超聯 富力R&F抖夠砌夢想FC