波經
 



即場短訊


阿仙奴簽巴塞中場 萬事俱備仲差啲乜?

【on.cc東網專訊】從來都話,錢解決到就唔係問題,不過,對於英超勁旅阿仙奴嚟講,唯一解決唔到問題,咪就係錢囉!根據西班牙《馬卡報》報道,原來阿仙奴已經同巴塞隆拿中場丹尼斯蘇亞雷斯傾掂數加盟,等呢位西班牙新星可以同恩師艾美利再度合作,而巴塞方面亦承諾放人,並將佢定價約1,000萬歐元至1,500萬歐元。只不過,報道話由於阿仙奴依家唔夠錢,只肯承諾等到今夏先畀錢買人,反而「地上最強」就想盡快完成交易,以便籌措足夠資金去再買人。家陣最有機會係阿仙奴採用先借後買,但成唔成事,仲要睇巴塞肯唔肯蝕底一次囉!東網體育FB同你追實體壇每個精彩時刻!http://bit.ly/2ecTF2A 支持本地運動員,一齊去「睇體」!https://bit.ly/2DxX4XI 


 專欄輪住嚟 從「夢想成真」到夢想成真

 曼聯夠爽手 摩連奴教皇馬快到咁?