波經
 



即場短訊


田雞式假身!巴舒亞伊遭華倫西亞退貨

【on.cc東網專訊】比利時前鋒巴舒亞伊係著名球場笑彈,去年世界盃門前大腳射波中柱反彈中面一幕,為大家提供唔少歡樂,不過佢嘅球技同射術真係唔掂,日前西班牙盃有球單刀,佢單刀埋門竟然使出田雞式假身,結果自己跣低錯失機會,最終華倫西亞以1比2不敵希杭,賽後會方決定退貨,提前將佢還番畀車路士。巴舒亞伊今季由車路士外借畀華倫西亞,上陣23場僅入3球,西甲僅入1球,連累球隊今季戰績低落,日前一場西班牙盃,呢位25歲前鋒又出醜,開賽初段佢獲得一個單刀機會,點知佢並無果斷起腳射門,而係玩假身想呃過門將先起腳,但佢嘅假動作超慢,門將捉晒路,後衞亦趕到,最後仲自己跣低,錯失良機。華倫西亞剛決定,與巴舒亞伊中止借用,將佢還番畀車路士,畀其他前鋒更多機會,希望下半季成績有所改善。支持本地運動齊去「睇體」!https://bit.ly/2DxX4XI 東網體育FB同你追實體壇每個精彩時刻!http://bit.ly/2ecTF2A Follow東網體育IG一齊撐本地運動員!http://bit.ly/2EYxoRh 


 西媒:迪莊來季去巴塞隆拿

 【港超專版】張春暉想拜「招積Sir」為師?