波經
 



即場短訊


省港盃 入球功臣感謝球迷支持

【on.cc東網專訊】香港隊周三晚(9日)假香港大球場上演的省港盃次回合賽事,憑着安永佳、梁諾恆、袁振昇及茹子楠各入一球,以4比0擊敗廣東隊,兩回合總比數以5比2奪冠,成功衞冕。幾位入球功臣,於賽後記者會接受訪問時,均異口同聲表示感謝球迷的支持。為香港隊頂入一球的梁諾恆則透露,曾為自己於首回合犯錯而感到自責︰「喺主場入波感覺當然開心,仲要係球隊以不失球去攞冠軍,其實喺第一回合有少少自責,喺決選名單入面,得我同『阿昇』(袁振昇)係比較年長,但往往平時提佢哋嘅嘢,其實自己喺禁區內犯錯,好開心大家都團結。今次比賽唔係淨係為自己,希望大家都對香港足球有更多關注同支持。」至於隊中另一位「超齡球員」袁振昇則表示球迷的支持有助他踢出更佳表現︰「入到首個入球好開心,尤其是喺主場入波。其實今日係有啲緊張,無論自己喺聯賽踢咗兩季都好,我想話球迷今日令我腎上腺上升,所以踢得特別投入!」在下半場為港隊射入世界波的茹子楠,亦坦言對入球感到意外︰「第一球為香港隊入嘅波,自己係好開心嘅,而且係有啲意外。其實係多得粉絲嘅支持,令到我哋每一吓都搏盡,每一分鐘都咁熱血,令球員每吓攔截都好盡。」


 搞乜咁唔掂?維達爾4層樓被接管