波經
 



即場短訊


搞乜咁唔掂?維達爾4層樓被接管

【on.cc東網專訊】智利球星維達爾自從加盟西甲班霸巴塞隆拿之後,雖然球場上表現唔及以前踢德甲拜仁慕尼黑,但論搵錢能力,梗係家陣高好多。不過,近日突然傳出呢位31歲中場因為欠債問題,搞到畀意大利都靈法院接管咗佢喺當地嘅4個物業,究竟搞乜咁唔掂呀?效力拜仁之前,維達爾曾經喺意甲祖雲達斯踢咗4季,所以喺當地都有唔少物業。根據西班牙《馬卡報》報道,原來維達爾係因為拖欠都靈一間旅行社大約18,000歐元欠款,而去到舊年平安夜,維達爾已經收到都靈法院最後通知,話佢再唔找數,就會展開法律程序。結果維達爾都係當都靈法院通知冇到,過年都唔找數,家陣人哋就接管佢4個物業拎去拍賣找數囉,認真醜怪呀!東網體育FB同你追實體壇每個精彩時刻!http://bit.ly/2ecTF2A 支持本地運動員,一齊去「睇體」!https://bit.ly/2DxX4XI 


 強姦案關鍵證據!美警向C朗索取DNA樣本

 省港盃 入球功臣感謝球迷支持