波經
 



即場短訊


仲未嬲完 C朗請皇馬食檸檬

【on.cc東網專訊】南美自由盃決賽次回合河床火併小保加,嚟緊周日在皇家馬德里主場巴拿貝球場上演,南美足協同西班牙足協為隆重其事,透過皇馬分別發信邀請當今兩大球王美斯同C朗拿度出席,希望兩人同場影張靚相,美斯已經答應,但C朗卻拒絕,小道消息話皆因佢仲嬲緊皇馬。呢場阿根廷兩大傳統死敵對決,全球矚目,原來早前美斯同C朗都曾經各自向賽會索取門票,賽會見佢兩個咁賞面,於是正式邀請兩人去貴賓包廂一齊睇波,美斯對呢場大戰好感興趣,欣然答應,但C朗則尚未回覆,其身邊友人就話佢已經拒絕咗。據佢身邊朋友話,C朗今季離開皇馬後,依家仲嬲緊,唔會咁快返去,索取門票只係幫朋友攞,佢話:「C朗個傷口未愈合,所以今次唔會出席。」支持本地運動員,一齊去「睇體」!https://bit.ly/2DxX4XI 東網體育FB同你追實體壇每個精彩時刻!http://bit.ly/2ecTF2A Follow東網體育IG一齊撐本地運動員!http://bit.ly/2EYxoRh 


 皇馬前鋒喎 依家歐洲射手榜排第幾?

 A山去曼聯變廢柴 原來阿仙奴一早知