波經
 



即場短訊


傾掂上艦 夏神來季轉會皇馬索價15億

【on.cc東網專訊】不買不買還須買,皇家馬德里今季原定收購車路士比利時孖寶,門將泰拔高圖爾斯及進攻中場夏薩特,臨門一刻嫌夏神太貴而卻步,只得高圖爾斯過檔,球季過咗3分1,皇馬戰績下滑嚴重,西媒爆料皇馬終於傾掂夏神過檔,不過要等今季結束,轉會費為1.7億歐元(約15億港元)。其實去到夏薩特呢個級數,1億歐元以上肯定走唔甩,可惜皇馬季因一時猶疑,以為重用加里夫巴利、賓施馬同新秀馬高阿辛斯奧就搞得掂,結果當然係唔掂,近日皇馬再度斟介夏神,今次冇得嫌貴,畀足15億車路士,據聞已經達成協議,來季夏神上艦。27歲嘅夏神亦飲水思源,佢話雖然好希望加盟皇馬,但都會以照顧車路士嘅利益,今季繼續藍戰士力爭佳績,完成任務先至過檔,好來好去。支持本地運動員,一齊去「睇體」!https://bit.ly/2DxX4XI 東網體育FB同你追實體壇每個精彩時刻!http://bit.ly/2ecTF2A Follow東網體育IG一齊撐本地運動員!http://bit.ly/2EYxoRh 


 自由盃決賽變球王盛會 邀美斯C朗觀戰

 找數真漢子 高普被起訴咁樣決定