波經
 



即場短訊


自由盃決賽變球王盛會 邀美斯C朗觀戰

【on.cc東網專訊】本年度南美自由盃次回合河床對小保加,由於多次發生騷亂一再押後,賽會最終決定將賽事移師西班牙皇家馬德里嘅巴拿貝球場上演,西班牙傳媒報道,賽會希望搞個球王盛會,邀請當今兩大球王美斯同C朗拿度一齊出席,喺貴賓廂睇波,據稱美斯已經接受邀請,C朗就未回覆。河床對小保加嘅首回合賽事打成2比2,次回合就遲遲未開波,等咗一大輪就會喺嚟緊星期日在巴拿貝舉行,皇馬作為主人家,就希望邀請美斯同C朗同場亮相,因為兩位球王在今年三大頒獎禮都落選缺席,所以希望兩人喺今個場合以貴賓身份亮相,作為對兩位巨星致敬。睇過兩位球王賽期,兩人踢完周六聯賽,都可以抽空出席,雖然下星期有歐聯賽事,但兩人所屬嘅巴塞同祖記已提前出線,可以輕鬆應戰甚至休息,一齊睇波趁熱鬧不失為球壇美事。支持本地運動員,一齊去「睇體」!https://bit.ly/2DxX4XI 東網體育FB同你追實體壇每個精彩時刻!http://bit.ly/2ecTF2A Follow東網體育IG一齊撐本地運動員!http://bit.ly/2EYxoRh 


 剛好番又傷 呢個阿仙奴後衞堅黑仔

 傾掂上艦 夏神來季轉會皇馬索價15億