波經
 



即場短訊


【仙魔戰】伊巴去唔成A米 曼聯簽佢啦

【on.cc東網專訊】意大利各大傳媒報道,瑞典神鋒伊巴謙莫域同AC米蘭傾唔掂數,下月冬季轉會市場重開之後,唔會重返「紅黑兵團」。不過,呢位射手不甘寂寞,想趁美職休季期間,重返歐洲球壇,再顯霸氣,可能以借用身份,返回曼聯幫莫連奴度難關。早前一直傳伊巴謙莫域準備回巢AC米蘭,甚至已同意簽約6個月,年薪220萬歐元,但近日又出現分歧,呢位37歲射手已經打消重返意甲嘅念頭。伊巴謙莫域雖然年齡唔細,但狀態仍然當弗,上季美職射入22球,佢今年3月離開曼聯時,仍然同領隊莫連奴關係唔錯,如果「寸王」開到聲,要佢幫手,相信佢應該會樂於接受。美職常規賽10月結束後,要等到明年3月先至重開,過往亦有唔少效力美職嘅球星趁休季去歐洲客串,碧咸就係最佳例子。曼聯搵伊巴謙莫域短期助陣,點都好過靠死晒火嘅盧卡古。支持本地運動員,一齊去「睇體」!https://bit.ly/2DxX4XI 東網體育FB同你追實體壇每個精彩時刻!http://bit.ly/2ecTF2A Follow東網體育IG一齊撐本地運動員!http://bit.ly/2EYxoRh 


 花美男宣布退役 25歲崔浩然:想試更多!

 剛好番又傷 呢個阿仙奴後衞堅黑仔