波經
 



即場短訊


艾斯高:只要曼城邀請我 立即執行李

【on.cc東網專訊】皇馬中場艾斯高不滿今季上陣時間大減,準備下月轉會市場重開之後離隊。盛傳英超榜首曼城非常有興趣簽入呢位26歲西班牙國腳,進一步提升爭標本錢。根據西班牙《馬卡報》前主編恩達爆料,艾斯高去意已決,甚至同身邊朋友講,只要曼城正式邀請佢加盟,佢下月就會立即過檔。事實上,皇馬會長皮里茲計劃重建球隊,準備清洗部分球員,甚至想賣走加里夫巴利,更加唔介意放走艾斯高。艾斯高已效力皇馬5年,曾經協助球隊捧3次歐聯、1次西甲、1次西班牙盃等錦標,曼城主帥哥迪奧拿亦非常欣賞呢位鄉里,如果有佢加盟,曼城真係如虎添翼,到時其他英超球隊,更加難以同「藍月亮」抗衡。支持本地運動員,一齊去「睇體」!https://bit.ly/2DxX4XI 31東網體育FB同你追實體壇每個精彩時刻!http://bit.ly/2ecTF2A Follow東網體育IG一齊撐本地運動員!http://bit.ly/2EYxoRh 


 RiseAbove我撐港超聯精華節目【第11集】

 花美男宣布退役 25歲崔浩然:想試更多!