波經
 



即場短訊


【多圖】阿仙奴女主播搞到藍斯硬咗

【on.cc東網專訊】周四(6日)凌晨將上演英超大戰,曼聯主場對阿仙奴,全球矚目,除咗雙方領隊同球員之外,球會職員亦好忙,包括阿仙奴官方TV女主播Nicole Holliday。呢位26歲索女憑樣靚身材正,加上平時訪問時表現生動,問題又尖銳,因而人氣急升,成為球迷心目中嘅女神,甚至有唔少廠迷公然向佢求婚。不過,Nicole以事業為重,心中只有阿仙奴,佢喺北倫敦土生土長,自細已經係阿仙奴球迷,佢為咗成為兵工廠官方TV女主播,曾經常自己拍片,報道球隊消息,又同球迷分享互動,結果真係畀阿仙奴睇中,成為女主播。Nicole訪問球員時,經常有驚喜,例如試過攞住艾朗藍斯嘅舊相訪問佢,比較佢以前同現時嘅髮型。呢位威爾斯國腳喺鏡頭前,睇番自己以前嘅「傻樣」,即時好尷尬,硬晒軚唔知點答。阿仙奴有Nicole助陣,今場未踢先搶到fo。支持本地運動員,一齊去「睇體」!https://bit.ly/2DxX4XI 東網體育FB同你追實體壇每個精彩時刻!http://bit.ly/2ecTF2A Follow東網體育IG一齊撐本地運動員!http://bit.ly/2EYxoRh 


 國足踢5人賽 畀台北蒙古輪住羞辱

 RiseAbove我撐港超聯精華節目【第11集】