波經
 



即場短訊


【港超專版】「大頭文」睇住佢大嘅孫銘謙

【on.cc東網專訊】今年對凱景中場孫銘謙而言,無論是學業或足球事業,均提升了一個層次。球場上獲首次出戰港超的機會,儘管於理工大學修讀精神健康護理學課程,令其操練量及上陣機會打折扣,但「孫銘」仍感激恩師馮凱文給他機會,讓自己不斷進步。圖/文:何彥霆孫銘謙跟馮凱文的師徒關係,要追溯至他仍是小學生的年代,雖然去季獲邀出戰港甲,但「孫銘」來到港超的層次後,仍要從頭適應︰「我讀小學5、6年級嗰陣,喺一啲地區球隊銜接上港隊梯隊時,『馮Sir』已經開始教我,當時佢教緊拔萃,後來我入咗去讀亦畀佢選入校隊,到依家就合作咗咁多年。今季踢港超感覺爭好遠,自己同職業水平都仲有段距離,老實講要加把勁。不過都想有個平台,畀自己睇吓能力去到邊度,係咪可以喺呢個層次嘅水平一樣適應到。」雖然凱景今季尚未打開勝利之門,但「孫銘」認為球會願意提供球員發展的空間,意義遠比所得的賽果更大︰「其實球隊始終都有好多好似自己咁嘅年輕球員喺度,好似『智謙』(廖智謙)都係讀緊書,我哋有時要上堂練唔足波,冇得踢正選都合理嘅,但最重要係球隊肯畀機會我哋。始終落到場嘅實戰經驗,我哋一定會吸收得更多,就算球隊目前成績唔算太理想,大家都好珍惜上陣機會,特別今季好多隊實力比較平均,我認為係好事嚟,多啲球隊競爭,大家都會一齊進步。今年除咗對自己嚟講係好重要,同時都想幫到馮Sir,為球隊踢番一啲成績出嚟。」學界年代曾協助拔萃男書院奪冠的「孫銘」,曾代表港隊U17對曼聯U16青年軍的友賽力壓一眾小紅魔,當選賽事MVP,但他並未因此自滿︰「雖然自己之前可能喺學界或者青年賽事有啲成績,但其實我都知自己狀態比較飄忽,希望透過專業訓練令自己更穩定,特別喺時間管理上做好啲,休息要充分,飲食方面亦會多加注意,千祈唔可以病。」港超的競爭水平令「孫銘」有所提升外,他亦從一班前輩身上獲益不少︰「安基斯經常都提點我,練波時好似一個大哥咁督促住我哋,我哋班年輕球員見到佢咁勤力,都好自然會落力做好啲。此外金東進都係我哋學習對象,就算佢踢過世界盃都好,份人完全冇架子。」【孫銘謙Profile出生日期:2000年6月19日身高:1米78體重:68公斤位置:進攻中場、前鋒現效力球隊:凱景球衣號碼:23


 稚子無罪呀!反骨佬邦路斯累個仔被插

 【有片】補時12碼射到咁咁咁 泰國慘爆