波經
 



即場短訊


稚子無罪呀!反骨佬邦路斯累個仔被插

【on.cc東網專訊】效力意甲班霸祖雲達斯嘅意大利國腳邦路斯,多年來為球隊仆心仆命,贏過唔少錦標,真係冇功都有勞啦!不過,呢位31歲中堅就因為上季曾經離隊過檔死敵AC米蘭,即使今季回巢,都被球迷視佢為反骨佬,唔少人都唔肯原諒佢。話說呢股來自球迷嘅怨氣,近日就連邦路斯個幾歲囝囝都無辜「中槍」。話說邦路斯近日喺個人IG上載一張同囝囝羅倫素嘅合照,由於羅倫素係拖連奴球迷,所以佢都着住件拖連奴波衫影相,不過事後就有勁多網民球迷開火狂鬧,仲要係一句難聽過一句呀!「小僱傭兵開始長大喇」「你可以教佢乜嘢呀?小丑」「我會因為有你呢個老竇而覺得羞恥」一張父子溫馨合照啫,唔使咁樣鬧啩?即上英超刨績王:http://win.on.cc/epl 東網體育FB同你追實體壇每個精彩時刻!http://bit.ly/2ecTF2A 


 【有片】張伯倫沉迷打機冷落性感女友

 【港超專版】「大頭文」睇住佢大嘅孫銘謙