波經
 



即場短訊


找數真漢子 高普被起訴咁樣決定

【on.cc東網專訊】利物浦領隊高普日前因為喺默西塞德郡打吡完場前衝入場慶祝絕殺,事後被英格蘭足總起訴佢「行為不檢」,今日佢正式宣佈會接受處分,型到爆嘅高普仲要話:「犯咗規就要找數啦!」找數真漢子,抵你咁受歡迎嘅!高普喺今日記招話:「規則寫到明,如果你犯規,就要找數啦!」高普嘅熱血行為受到處分,就連曼城領隊哥迪奧拿都公開話同情佢,不過你點都估唔到,就連當晚輸波嘅愛華頓領隊馬高施華都一樣撐:「當時我睇唔到佢做乜喎!依家我雖然睇番,但其實唔多關我事,呢個係比賽嘅激情,根本好正常,佢慶祝緊之嘛!我都唔知如果係我哋入波,我會有乜反應?如果你問我,我覺得佢(高普)唔應該受罰,但足總有權決定規則囉!」即上英超刨績王:http://win.on.cc/epl 東網體育FB同你追實體壇每個精彩時刻!http://bit.ly/2ecTF2A 


 傾掂上艦 夏神來季轉會皇馬索價15億