波經
 



賽後報道


壓力下反彈 德國挫北愛登榜首

德國上仗2比4慘敗於荷蘭腳下,隔幾日再出擊,在歐國外C組頂住龐大壓力作客北愛爾蘭,結果德國於下半場憑侯斯頓保及基拿比各建一功,以2比0勝回一仗,與北愛同分下以對賽成績升上榜首。

德國上半場狂攻之下未立寸功,下半場重開初段即開紀錄,48分鐘,左閘侯斯頓保殺上前線助攻,把握門前隊友祖利安白蘭特頭槌爭頂漏向左路,侯斯頓保於左路窩利抽射破網,為德國領先1比0,呢球亦係侯斯頓保國腳生涯首個入球。

入波後德國有唔少機會,祖利安白蘭特近門射失,馬高列奧斯罰球又被救出,直至補時兩分鐘,基拿比接應夏維斯靚直線,在右路窄位射遠柱網仔入,德國贏2比0完場。


 3次助攻入埋波比利時大勝

 莫迪歷34歲生日克羅地亞贏唔到