波經
 



賽後報道


魯賓尼維斯英超No.1狙擊手

上季英超一鳴驚人嘅狼隊,今季繼續扮演巨人殺手角色,昨晨佢哋主場1比1逼和曼聯,入波功臣就係葡萄牙中場魯賓尼維斯。呢位22歲防守中場已被譽為英超其中一位最佳中場,今場對曼聯轟入嘅世界波,係佢加盟狼隊以來第13個入球(所有賽事),當中除咗3個12碼之外,其餘10球都係禁區外射門,堪稱係英超頭號「狙擊手」。

魯賓尼維斯上季英超有73腳禁區外射門,位列英超第1位,而最有趣嘅地方係,魯賓尼維斯加盟狼隊以來,只係有6次喺對方禁區內掂波紀錄,即係話呢位長期留喺外圍嘅中場,遠射入波次數仲多過禁區內掂波,認真誇張呀!


 連格隱形8個月數據捧蛋