波經
 



賽後報道


巴利升呢「百球先生」

「大聖爺」升呢「百球先生」爭正選!昨晨西甲馬德里打吡,皇家馬德里作客3比1擊敗馬德里體育會,近期已經淪為後備嘅快翼加里夫巴利,下半場上陣都有士哥,而且呢粒入波亦係佢加盟皇馬以來第100個入球,嚟緊周中歐聯皇馬作客阿積士,希望呢粒入波可以幫「大聖爺」博取到教練蘇拿利嘅歡心,到時有得擔正啦!

講番呢場打吡戰,其實主角唔係巴利,而係新星雲尼斯奧斯祖利亞。呢位18歲巴西小將,季前由法林明高加盟皇馬,當時冇乜人睇好佢,而且更一度被貶去踢B隊,皇馬季初戰績低落,眾星狀態大不如前,造就祖利亞有上位機會,繼上場西班牙盃對巴塞隆拿喺左路策動首個入波,今場喺雙方陷入僵局時,祖利亞再次化身「關鍵先生」利用個人技術突破,於43分鐘博到12碼,造就沙治奧拉莫斯射入,皇馬領先2比1入更衣室,迫使馬體會下半場焗攻,最終被巴利入到「燕梳球」。過往皇馬左路由C朗主宰,依家由雲尼斯奧斯祖利亞打晒,「銀河艦隊」下一個亮點,隨時係呢位後生仔喎!


 熱刺捉狐狸壯行色

 武磊博得12碼助愛奴贏波