波經
 



球場內外


意媒狂捧文仙尼似足納比

意大利唔覺唔覺喺歐國外豪取6連勝,拋離次席芬蘭6分,其他對手更係車尾燈都見唔到,該隊只要下場擊敗希臘,就可提前3輪穩獲出線資格。國家隊成績好,意大利舉國歡騰,一掃失落俄羅斯世盃席位悶氣,更有評論將主帥文仙尼與06世盃冠軍領隊納比相提並論,捧到佢上天。意傳媒指文仙尼係意大利復興最大功臣:「文仙尼就像當年嘅納比,在戰術上及管理上都令球隊重回正軌,潛質新星湧現,雖然同巔峰時期嘅意大利仲有距離,但球隊結構同體系都好似樣。」另一意媒就話:「意大利實際上嘅核心就係文仙尼,戰術體系已建成,冇咗邊個球員都影響不大,球隊踢法都能順利執行。」

畀人話自己似納比,文仙尼卻懷念1990年嘅意大利:「再贏多場就出線,我希望球場坐滿,就好似1990年世盃一樣。」


 沙治奧拉莫斯目標200場