波經
 



球場內外


古天奴成仁紅軍唔見2.18億

巴塞隆拿與拜仁慕尼黑日前官方宣布,巴西中場菲臘比古天奴由巴塞外借到拜仁,為期1年,拜仁支付850萬歐元借用費兼負擔古仔薪酬,並可啟動1.2億歐元買斷條款,呢單交易最蝕章就係利物浦,因為古仔外借累紅軍唔見2,300萬鎊(約2.18億港元)。

想當日古仔扭計離開利物浦,巴塞用天價收購,「總轉會費」作價1.42億鎊,但呢條唔係實數,當中涉及條款多多,包括巴塞先付1.05億鎊做首期,然後分期找多1,400萬鎊。至於餘下嘅2,300萬鎊,有1,800萬鎊係古仔為巴塞上陣滿100場先要畀,另外如果巴塞贏歐聯冠軍,紅軍亦會多500萬鎊落袋,但巴塞既冇喺歐聯捧盃,古天奴又只係踢咗50場左右就被外借去拜仁,未能觸發呢2項條款,呢條尾數利物浦自然收唔番嘞!




 PSG隊醫爆舊患難斷尾