波經
 



球場內外


13隊搶簽史杜列治唔憂嫁

今夏同利物浦約滿回復自由身嘅史杜列治,目前仍然未有班落,唔少球迷覺得佢已經淪為「籮底橙」,冇球會想要。不過事實原來啱啱相反,據英國《每日電訊報》報道,史杜列治目前手上有13間球會嘅聘約,預計今個星期內就會決定去向。

現年29歲嘅史杜列治,仍然處於當打之齡,唔使轉會費當然有一定吸引力,消息指呢位前英格蘭國腳收到嘅13份聘約中,包括美職嘅華盛頓聯隊、西甲嘅貝迪斯、意甲嘅博洛尼亞同埋法甲嘅馬賽,仲有中東球會以及多間土耳其球會。據報土耳其嘅費倫巴治、比錫達斯同特拉布宗都想簽史杜列治,其中以費倫巴治機會最高,佢哋願意支付6萬鎊嘅周薪,而且球會主管高莫利曾經做過利物浦總監,相信有助費倫巴治說服史杜列治加盟。


 林伯排錯陣寸王幫佢排過

 波衫產品全線下架