波經
 



球場內外


林伯排錯陣寸王幫佢排過

車路士英超首仗狂吞曼聯4蛋,比賽並不反映兩隊真正實力,車仔亦唔係真係咁差,前領隊寸王摩連奴賽後批評林柏特排錯陣,佢認為應該重用幾位富經驗球員鎮住場面,咁樣至少唔會輸得咁大鑊。

摩連奴話:「車路士呢場應該派基奧特同尼高路簡迪呢類老將,就算簡迪狀態唔夠都應該正選,頂到幾耐得幾耐,踢到60分鐘都好好。」車路士嚟緊周中會喺歐洲超級盃對利物浦,寸王幫林伯排埋陣,畀晒意見,寸王嘅心水陣容係:門將阿列沙巴拿加,後衞艾斯派古達、葛特蘇馬、安達斯基斯坦臣、馬高斯阿朗素,中場柏度洛迪古斯、尼高路簡迪、高華錫、佐真奴費路、基斯甸普列錫,前鋒基奧特。




 13隊搶簽史杜列治唔憂嫁