波經
 



球場內外


48年最惡!英超Big 6歐賽話晒事

隨住歐霸盃阿仙奴絕地反勝雷恩,同車路士攜手勇闖8強,加埋歐聯8強嘅4支英超代表,意味兩大歐洲賽事嘅16強當中,6支英超兵錄得100%出線率。

睇番歐洲賽歷史,英格蘭歷來只得1次同時有6支球隊晉級歐洲賽8強,講緊係48年前嘅70至71球季,當時歐洲仲係分「3大盃賽」,愛華頓出戰最高榮譽嘅歐洲冠軍球會盃(歐聯前身),但佢哋8強就畀彭拿典奈高斯淘汰。另外車路士同曼城踢歐洲盃賽冠軍盃,曼城喺8強出局,車仔就愈戰愈勇,殺入決賽贏埋冠軍,呢個亦係車路士史上首個歐洲賽冠軍;至於阿仙奴、利物浦同列斯聯就踢歐洲城市展覽盃(歐洲足協盃前身,後來再改為歐霸盃),當中列斯聯亦能捧盃而回。


 阿仙奴冇後福撞正拿玻里

 史高斯劈炮唔做奧咸領隊