波經
 



球場內外


修咸頓「還債」遭卡城絕殺

英超卡迪夫城嘅冬季新兵伊美利安奴沙拿(E沙拿)遇空難身亡,全世界球迷都悲痛哀傷,不過總有啲人唔明白生活無常、生命可貴,仲要拎人哋悲慘遭遇去嘲笑侮辱,喺傷口灑鹽,認真離譜!

上周六晚英超卡迪夫城作客修咸頓,有「聖人」球迷拎E沙拿嘅離世嚟侮辱一番,甚至喺觀眾席上做出飛機動作挑釁「卡城」球迷,可謂冇品到極。當地警方事後已將兩名惹事球迷拘捕,可能會提出檢控,而修咸頓官方都斥責呢種行為不可接受,更計劃將呢班人永久禁止進入球場看台添!

正所謂「球迷冇品球會還債」,下半場落後1粒嘅修咸頓,喺比賽尾段扳平,以為執番1分,點知補時94分鐘畀卡迪夫城前鋒蘇賀利絕殺,搞到「聖人」主場輸1比2,總算都叫做大快人心。