波經
 



球場內外


前女友踩多腳鬧心理變態

C朗去年被控強姦一案又有新進展,大約10年前同C朗拍過拖嘅英國模特兒倫納德(圓圖)加入戰團,聲稱擁有包括對話訊息在內嘅大量證據,證明C朗係心理變態、跟蹤狂兼大話精。倫納德仲話會向強姦案受害人Kathryn Mayorga嘅律師團隊提供證據,誓要煮死C朗。

Kathryn Mayorga嘅律師團隊之前講過,仲會有3名女士會加入呢單官司,近日倫納德喺社交網表示,唔可以袖手旁觀,決定企出嚟指證C朗:「我同佢拍拖超過一年半期間保持每日聯絡,所以我有大量幫到手控告C朗嘅證據。」倫納德話將公開一段足證C朗係心理變態嘅短片,直言呢位葡萄牙球星係有嚴重心理問題嘅跟蹤狂,整個人生都係充斥大話:「當你會性侵一個不斷向你慘叫嘅人,你就係個強姦犯、怪物。」講到咁正義,到時由睇吓係咪堅有證據先?

可能受到案件影響,C朗近日變得低調,受訪時雖表示未有計劃掛靴,但表明打算為祖記取得一定成就後,「回到最初的起點」重返士砵亭:「我會好似拿尼一樣,返回士砵亭嗎?喺足球圈入面,甚麼都可能發生。」


 般尼恃弗掟赫特踢英冠