波經
 



球場內外


普帥禁熱刺玩自拍暗寸「廠仔」

熱刺上場聯賽輸畀北倫敦死敵阿仙奴,「兵工廠」球員賽後喺更衣室High爆玩Selfie,齊齊鋪上社交網同粉絲分享喜悅。不過,熱刺領隊普捷天奴就唔多Like,佢仲下令禁止球員贏波之後公開自拍慶祝,除非係贏到冠軍咁話:「當你贏到冠軍,大事慶祝再同球迷分享梗係正啦,但只限於贏到真正特別嘅比賽之後。我明白依家新世代鍾意咁樣做(分享慶祝),但我係比較舊式嘅人,我個人抗拒呢種做法。我都好享受同隊友慶祝,不過只係會私下慶祝,唔會拎晒出嚟畀人睇囉!」

事實上,阿仙奴球員近年已經唔止一次畀人鬧「掛住玩Selfie」,普捷天奴今次擺明抽水,佢更表示:「我都好享受拖狗去公園散步,最重要嘅係我同隻狗分享呢段時光,而唔係同社交網追隨者分享囉!」


 賠率得1.8倍!奧斯爾等住入魔