波經
 



球場內外


賠率得1.8倍!奧斯爾等住入魔

今年一月曼聯接收阿仙奴王牌阿歷斯山齊士,一年後輪到奧斯爾?英國傳媒報道,博彩公司Carol突然收到「重注」,押落「奧燒」轉投曼聯,故已將相關賠率即時下調至1.8倍。如果成事,莫連奴就會同曾一齊為皇馬打天下嘅愛將故劍重逢。

奧斯爾於上季同阿仙奴續約,周薪高達35萬鎊,成為兵工廠人工最高球員。但自雲格離隊並由艾美利接手後,一心將兵工廠由「花拳繡腿」改革變做「鐵血雄師」,對抗性低嘅奧斯爾明顯唔啱使。近日博彩公司Carol收到巨額投注,買奧燒一月轉投曼聯,令呢瓣嘅賠率跌至1.8倍,比轉會巴塞隆拿嘅4.5倍熱得多,而第三熱嘅曼城,賠率去到8倍,難怪Carol發言人話,佢哋認為真正對奧斯爾有興趣嘅只得曼聯。

莫連奴於2012年球季帶領皇馬奪得西甲冠軍,當時奧斯爾就係主力,其創造力令寸王留下深刻印象。現時曼聯成績不濟,失球比得球仲多,嚟緊一月增兵事在必行,A山轉會曼聯後盡失靈光,寸王或會視奧斯爾會解救A山嘅妙藥。不過無論魔迷或中立擁躉,大部分都認為奧斯爾已經回塘,曼聯球迷覺得保羅普巴已經夠懶,要埋奧斯爾只會令球隊戰鬥力進一步減弱,中立球迷就更刻薄,話曼聯已成「阿記垃圾桶」。




 普帥禁熱刺玩自拍暗寸「廠仔」